2–3 აგვისტოს, ოზურგეთის ახალგაზრდული ცენტრის გაცვლითო პროგრამების მონაწილე ახალგაზრდებმა ქუთაისის ახალგაზრდულ ცენტრში განახორციელეს პროექტი “გენდერული თანასწორობა და ქართველი ფემინისტი ქალები”.
პროექტის ძირითად მიზანს წარმოადგენს თანასწორუფლებიანი გარემოს ხელშეწყობა,
ცნობიერების ამაღლება გენდერულ საკითხებთან და იმ ფემინისტ ქალებთან დაკავშირებით, რომლებმაც მნიშვნელოვანი წვლილი შეიტანეს დემოკრატიულად მოაზროვნე საზოგადოების განვითარებისა და ქალთა უფლებების დაცვის კუთხით.
შეხვედრებზე განხილული იყო შემდეგი თემები: გენდერული თანასწორობა, გენდერული როლები და ნორმები, ქალთა უფლბებების ისტორიული ასპექტები, ქალთა მოძრაობები და ქართველი ფემინისტი ქალები.
ტრენინგი წარიმართა ინტერაქტიურ რეჟიმში და მოიცავდა საინტერესო როლურ თამაშებს, Kahoot- ის ქვიზებს.
ასევე, პროექტის ფარგლებში მოეწყო სამაგიდო თამაში “ფემინისტი”–ს პრეზენტაცია, რომელიც მოიცავდა მნიშვნელოვან ისტორიებს სხვადასხვა სფეროში მოღვაწე ქალების შესახებ.
მეორე დღე დაეთმო სოფ. დიმში ვიზიტს, სათემო ორგანიზაცია “დიმელი ქალების” დამფუძენებელთან ლილი ფულარიანთან, რომელმაც ჩაატარა მინი ლექცია “ჯიუტი ქალების”, თანამედროვე ქართული ფემინიზმის საწყისების და სათემო ინიციატივების მნიშვნელობის შესახებ.
შეხვედრის დასასრულს მოეწყო მოკლემეტრაჟიანი დოკ. ფილმის “უთქმელი ისტორეიბი” ჩვენება და განხილვა.
პროექტი ხორციელდება USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით.
გურიის რეგიონში პროგრამის პარტნიორი ორგანიზაციაა “ახალგაზრდა პედაგოგთა კავშირი”.
