ახალგაზრდა პედაგოგთა კავშირის ბაზაზე არსებული ახალგაზრდული ცენტრის მცირე მიკრო გრანტის ფარგლებში განხორციელდა პროექტი “სოფლის ტურიზმი და ციფრული კომუნიკაციები”.
ცენტრის წევრების ინიციატივა მიზნად ისახავდა ახალგაზრდებისთვის ციფრული კომუნიკაციების საბაზისო უნარ–ჩვევების განვითარების ხელშეწყობას და სოფლის
ტურიზმით დაინტერესებას, რათა სამომავლოდ იფიქრონ და განავითარონ სტარტაპ იდეები, რომლებიც დაკავშირებულია სოფლის, რეგიონის განვითარებასთან.
კურსს ფასილიტაციას უწევდა მოწვეული ტრენერი ლილი ფულარიანი – ციფრული კომუნიკაციების სპეციალისტი და სათემო ორგანიზაცია “დიმელი ქალების თანადამფუძნებელი”.
ონლაინ კურსის ფარგლებში ახალგაზრდებმა მიიღეს ინფორმაცია სოც. მედია არხების მართვის, ქოფირაითინგის, აუდიო–ვიზუალური მასალების შექმნის, საკომუნიკაციო მესიჯების და აუდიტორიის განსაზღვრის, ამბის თხრობის ხელოვნების, ციფრული უსაფრთხოების შესახებ.
მსგავსი ინიციატივები ახალგაზრდებს აძლევს შესაძლებლობას გაიუმჯობესონ გუნდური მუშაობის, ლიდერობის და მონაცემთა ანალიზის უნარ–ჩვევები.
პროექტი ხორციელდება USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით.
გურიის რეგიონში პროგრამის პარტნიორი ორგანიზაციაა “ახალგაზრდა პედაგოგთა კავშირი”.
