გურიის საჯარო სკოლების მოსწავლეებისთვის გამოცხადებული იდეათონის გახსნითი ღონისძიება მოეწყო

იდეათონის კონკურსში გურიის რეგიონის 22 საჯარო სკოლის 24 გუნდია შერჩეული.

იდეათონში გუნდებს მენტორობას გაუწევს ოზურგეთის, ჩოხატაურისა და ლანჩხუთის ადგილობრივი სამოქმედო ჯგუფების (LAG) წევრები, ასევე, კერძო და სამოქალაქო სექტორის წარმომადგენლები.

იდეათონის მიზანია მხარი დაუჭიროს გურიაში მცხოვრები ახალგაზრდების ჩართულობის ხელშეწყობას სოციალურ და ეკონომიკურ საქმიანობაში.

გუნდების სამუშაო თემატური მიმართულებებია: ევროპული ღირებულებები, კლიმატის ცვლილება, ნარჩენების მართვა, განახლებადი ენერგიები, კლიმატგონივრული ტექნოლოგიები სოფლის მეურნეობაში, ახალგაზრდების ჩართულობა სოციალურ და ეკონომიკურ საქმიანობაში, რომელიც ხელს შეუწყობს რეგიონის განვითარებას.

იდეათონის ფინალური შეხვედრა გაიმართება 6 დეკემბერს, სადაც გუნდები წარადგენენ თავიანთ პროექტებს და გამოვლინდება გამარჯვებული.

იდეათონი ტარდება ევროკავშირის მხარდაჭერით მიმდინარე “მწვანე გურია ადგილობრივი დემოკრატიისა და სოფლის განვითარების მხარდაჭერა ინკლუზიური და მდგრადი მწვანე ზრდისთვის” CENN და გერმანული ფონდის Brot für die Welt -ის მხარდაჭერით მიმდინარე „ცვლილებები საგანმანათლებლო და სოციალურ სფეროში თემის წევრების ჩართულობით” პროექტების ფარგლებში, ევროკავშირის მხარდაჭერით მიმდინარე საქართველოს კლიმატის პროგრამასთან (GEO-CAP) თანამშრომლობით.