ახალგაზრდა პედაგოგთა კავშირის მიერ, პროექტის „უკეთესი განათლება, გადაწყვეტილების მიღების პროცესებში მონაწილეობა და სოციალური სარგებლის ხელმისაწვდომობა“ ფარგლებში, ორგანიზება გაეწია სამუშაო ჯგუფის შეკრებას, რომლის მიზანია ,,ოზურგეთის მუნიციპალიტეტის არასრულწლოვანთა სოციალური დაცვის სტრატეგიის“ დოკუმენტის შემუშავება.
სამუშაო ჯგუფში მონაწილეობა მიიღეს ორგანიზაციის სოციალური და განათლების მიმართულების თანამშრომლებმა, სამიზნე ჯგუფის მშობლებმა, პარტნიორი სკოლების/ბაღების და ბავშვზე ზრუნვის სფეროში მოქმედი ადგილობრივი საზოგადოებრივი ორგანიზაციების წარმომადგენლებმა, ასევე, ადგილობრივი განვითარების ჯგუფის წევრებმა.
სამუშაო ჯგუფის მუშაობის ფასილიტაცია განახორციელა ტენდერის საფუძველზე შერჩეული ორგანიზაციის ,,სოციალური მუშაკები საზოგადოების კეთილდღეობისთვის“ ექსპერტებმა.
