პროექტი “მხოლოდ ერთი დედამიწა – მხოლოდ ერთი სიცოცხლე” 

პროექტი “მხოლოდ ერთი დედამიწა – მხოლოდ ერთი სიცოცხლე”  მიზნად ისახავს  ახალგაზრდების ჩართვას  გარემოს დაცვისა და კლიმატის ცვლილების უარყოფით შედეგებთან ბრძოლის პროცესში. პროექტის ფარგლებში ახალგაზრდები მიიღებენ ინფორმაციას მნიშვნელოვანი გარემოსდაცვითი საკითხების შესახებ და ამავდროულად გაეცნობიან ამ საკითხებზე კონტენტის შექმნის/ამბის მოყოლისა და აუდიტორიამდე ეფექტური გზით მიწოდების ტექნიკებს.  პროექტის ფარგლებში დაგეგმილი აქტივობები:

• თემატური სკოლა “მხოლოდ ერთი დედამიწა” 

კლიმატის ცვლილებისა და გარემოსდაცვითი საკითხებით დაინტერესებული ახალგაზრდები გაერთიანდებიან  ერთი მიზნით, გაიღრმავონ ცოდნა ამ მიმართულებით და ამავდროულად ჩაერთონ პროცესში და თავად გახდნენ თანატოლგანმანათლებლები და ცოდნის გამზიარებლები.  თემატურ სკოლაში ჩატარდება 2 მიმართულებით სესიები:

1. საგანმანათლებლო სესიები კლიმატის ცვლილების, მდგრადობისა და გარემოსდაცვითი მეცნიერების უფრო ღრმა გაგებისთვის. 
2. იმისთვის, რომ ახალგაზრდებმა მიღებული ინფორმაცია კლიმატის ცვლილებისა და გარემოსდაცვითი საკითხების შესახებ გააანალიზონ, ამ საკითხების საზოგადოებამდე ეფექტური გზით მიწოდებასა და ცოდნის გაზიარებაზე იმუშაონ, თემატურ სკოლაში მეორე მიმართულება დაეთმობა შემდეგ საკითხებს: ფექტური კომუნიკაციის მეთოდები, როგორ მოვყვეთ ამბავი, როგორ მოვამზადოთ ეფექტური ტექსტი სიტყვით გამოსვლისას, ბლოგის შექმნის პრინციპები და სხვ.

სპიკერების კონკურსი “ექო” თემატურ სკოლაში მიღებული ცოდნის საფუძველზე, ახალგაზრდები ჩაერთვებიან სპიკერების კონკურსში, მოამზადებენ  სიტყვას  შერჩეულ გარემოსდაცვით საკითხზე და საზოგადოებას მიაწვდიან ინფორმაციას კლიმატის ცვლილების მნიშვნელობასა და სამომავლო პერსპექტივაზე.  ციფრული კონტენტის შექმნა პროექტში ჩართული ახალგაზრდები შექმნიან აუდიო-ვიზუალურ და ბეჭდურ მასალებს კლიმატის ცვლილების საკითხებთან დაკავშირებით.  სამიზნე ჯგუფი: გურიაში (ოზურგეთი, ჩოხატაური) მცხოვრები სკოლის მოსწავლეები ინიციატივა ხორციელდება “ახალგაზრდა პედაგოგთა კავშირის მიერ” პროექტის “EU4Youth: ახალგაზრდების ჩართულობა და გაძლიერება“ ფარგლებში, რომელიც დაფინანსებულია  ევროკავშირისა და გერმანიის ეკონომიკური თანამშრომლობისა და განვითარების სამინისტროს (BMZ) მიერ.