2024 წლის 23 ივლისს, ახალგაზრდა პედაგოგთა კავშირის ბაზაზე არსებული ახალგაზრდული ცენტრის წევრები ესწრებოდნენ ტრენინგს თემაზე: 3D მოდელირება და ინოვაციური ტექნოლოგიები.
ტრენინგი მიზნად ისახავდა ახალგაზრდების დაინტერესებას თანამედროვე ტექნოლოგიური ინოვაციებით და მათ ინტეგრაციას პროფესიულ საქმიანობაში.
შეხვედრა მოიცავდა შემდეგ საკითხებს: 3D სკანერების პროცესის ნაბიჯები, მოდელების რედაქტირება და მომზადება ბეჭდვისთვის, 3D პრინტერის გამოყენების ტექნიკა და მოდელების ბეჭდვა, ლაზერული მჭრელის მუშაობის ძირითად პრინციპები და მეთოდები.
შეხვედრა ჩატარდა ოზურგეთის ტექნოპარკში, ფაბ–ლაბის მენეჯერის ფასილიტაციით.
პროექტი ხორციელდება USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით.
გურიის რეგიონში პროგრამის პარტნიორი ორგანიზაციაა “ახალგაზრდა პედაგოგთა კავშირი”.
