30 მაისს, ახალგაზრდა პედაგოგთა კავშირის ინიციატივით ჩოხატაურის მუნიციპალიტეტში ორგანიზაციის პარტნიორი სკოლების იდეებისა და მეწარმეობის ლაბორატორიების (სოფ, გუთურის, სოფ. ამაღლების და შუა ამაღლების) წევრების მონაწილეობით გუნდური თამაში “ლიდერთა ალიანსი” ჩატარდა, რომლის საშულებითაც შეჯამდა ის თემები, რომლებიც მიმდინარე სემესტრში განიხილებოდა ლაბორატორიების წევრებთან.
გუნდური თამაშის მთავარი მიზანია შექმნას საინტერესო და ინტერაქტიური გამოცდილება, რომელიც წაახალისებს გუნდის წევრებს ერთად იმუშაონ, გადაჭრან პრობლემები და იმსჯელონ ერთობლივი აქტივობების დაგეგმვაზე. მსგავსი შემეცნებითი თამაშების მეშვეობით მონაწილეები იღებენ ინფორმაციას როგორც საკუთარი ძლიერი და სუსტი მხარეების, ისევე მათი თანაგუნდელების შესახებ, რაც საბოლოოდ ხელს შეუწყობს უფრო ერთიან და ეფექტური გუნდის ჩამოყალიბებას.
თამაში მოიცავდა მრავალფეროვან დავალებებს, რომლებიც მოითხოვს გუნდურ მუშაობას, სტრატეგიულ აზროვნებას და ეფექტურ კომუნიკაციას. თამაშით გათვალისწინებული ამოცანები შექმნილია რეალური სცენარების სიმულაციისთვის, რაც ეხმარება გუნდებს გამოიყენონ თავიანთი უნარები პრაქტიკულ კონტექსტში.
შეხვედრა განხორციელდა პროექტის „უკეთესი მომავლისთვის“ ფარგლებში.
