USAID-ის ხუთწლიანი პროგრამა: „ერთიანობა მრავალფეროვნებაშია“, მიზნად ისახავს იმ პოლიტიკური, სოციალური და ეკონომიკური დაბრკოლებების გადალახვას, რომლებიც საქართველოში ეთნიკური და რელიგიური უმცირესობების ინტეგრაციის პროცესს აფერხებს. პროგრამის ამოცანაა, რომ აღნიშნულ გამოწვევების მოგვარების პროცესი წარიმართოს სხვადასხვა სექტორს შორის თანამშრომლობითა და ფართო საზოგადოების მონაწილეობით. პროგრამის ფარგლებში უზრუნველყოფილი იქნება ეთნიკური და რელიგიური ჯგუფების მონაწილეობა საჯარო დისკუსიებსა და პოლიტიკის შემუშავების სხვადასხვა პროცესში. მნიშვნელოვანი ყურადღება დაეთმობა საქართველოს ეთნიკურ და რელიგიურ უმცირესობებსა და უმრავლესობას შორის სოციალური, სამოქალაქო და ეკონომიკური კავშირების გაძლიერებას. სამიზნე რეგიონებში ეკონომიკური განვითარების და დასაქმების ხელშეწყობით, სახელმწიფო სერვისებზე ხელმისაწვდომობის გაზრდით, სამოქალაქო საზოგადოებასთან, ადგილობრივ ხელისუფლებასთან, მედიასთან და სხვა სექტორებთან თანამშრომლობით, პროგრამა ხელს შეუწყობს საქართველოს სამოქალაქო ერთობის განმტკიცებასა და მის შემდგომ მდგრადობას.